Um skólann

Sagan

Í tengslum við hægri breytinguna árið 1968 hóf Ökukennarafélag Íslands rekstur ökuskóla og starfaði skólinn undir nafni Fræðslumiðstöðvar Ökukennarafélags Íslands og var til húsa að Stigahlíð 45. Þar var boðið upp á námskeið til undirbúnings almennu ökuprófi og síðar námskeið fyrir létt bifhjól og dráttarvélar.

Árið 1983 flutti Ökukennarafélagið starfsemi sína í Þarabakka 3, í Mjóddinni og þar með ökuskólann líka og fljótlega var farið að kalla skólann„Ökuskólann í Mjódd" Skólinn hefur boðið upp á námskeið til aukinna ökuréttinda frá árinu 1993 eða síðan hið opinbera hætti rekstri slíkra námskeiða.
Námskeið sem undirbúa nemendur fyrir almennt ökupróf eru haldin í hverri viku allt árið um kring og einnig eru haldin námskeið fyrir ensku, pólsku og tælenskumælandi fólk þegar þátttaka er næg.

Skólinn bíður upp á nám til:

• Almennra ökuréttinda á íslensku, ensku, pólsku
• Aukinna ökuréttinda á leigubíl, vörubíl, rútu og eftirvagn
• Bifhjólaréttinda, bæði til A og M réttinda
• Endurmenntun atvinnubílstjóra
• Námskeið fyrir afleysingamenn á leigubíl
• Námskeið vegna rekstarleyfa
• Sérstakt námskeið vegna akstursbanns